Bienvenido

#nodesdesiempreperosiparasiempre

jueves, 30 de junio de 2016


VAIA TROULA!

miércoles, 22 de junio de 2016

A pesar de tratarse esta da semana máis curta de clase, resultaron os mellores días para despedir un curso repleto de descubrimentos, experiencias e aprendizaxes, pois celebramos dúas festas: a festa da clase, e xa hoxe mércores, a festa da auga.

Evidentemente, esta semana non foi todo troula, pois o primeiro cometido que tivemos xa o LUNS, tras a “resaca” da festa do venres pola tarde, foi revisar, lembrar e organizar todos os traballiños do arquivador que fixemos durante todo o curso e, moi especialmente, durante este 3º trimestre.
Así pois, identificamos e trazamos números, asociamos grafías ás letras do alfabeto, realizamos conxuntos, escribimos o nome e a data completa, coloreamos, repasamos, recortamos con tesoira e picamos... ata nos quedou tempo para viaxar a Londres e ao deserto do Sáhara... cantos recordos!

Xa o MARTES, como preludio á festa da auga, á volta da última sesión de psicomotricidade, tiñamos preparada na clase unha festa, na que grazas á inestimable colaboración das nosas familias non faltou de nada... mmm!
Tratábase dun día diferente, era un día con certo sabor a despedida, un día no xuntos celebrabamos o final do curso: comimos snacks e aperitivos varios, bebimos zumes e bebidas isotónicas e disfrutamos dun tempo extra no patio, xogando no areeiro como auténticos súper-maiores... divertidísimo!

E aquí non rematou todo, xa que aínda nos agardaba o mellor para o MÉRCORES... a tan agardada “Festa da Auga” do cole!
Porén, o mércores, tras a asemblea, moi ansiosos por comezar a participar nos xogos e, sobre todo, por gozar das pistolas de auga, dirixímonos á primeira estación: pesca-barcos, unha posta delicada e de paciencia que sacou o mellor do noso enxeño... uf, complicado dabondo!












De súpeto, sen decatarnos, no espazo reservado para as pistas dos maiores, vimos aparcado o camión dos bombeiros, un sinal de que o que nos agardaba para a segunda parte da xornada pintaba moi, pero que moi ben...


Xa logo, chegou a quenda de prato na cabeza, do relevo de esponxas, das dianas piratas, das piñatas, dos camareiros...


























Tratouse dun día ben diferente ao do curso pasado, este curso si nos queriamos mollar, e entre xogo e xogo, rapidamente baixamos ao “rascacú”, un xogo reservado para os maiores, pero que axiña coidamos en gozar e darnos o primeiro baño de auga fresquiña... que calor!


Axiña, quen máis e quen menos entrou nas dinámicas propostas en cada estación, ata o punto que rematamos cunha batalla de auga a base de globos, caldeiros, pistolas de auga e ata o camión dos bombeiros que nos mollou se cabe aínda máis coa mangueira... pura diversión!...


Que curta se nos quedou a batalla!... queriamos seguir!... Por iso, ao tratarse dun día e dunha festa especial, -tamén para o profe-, fomos o derradeiro grupo en recollerse para a clase... de marabilla, que soliño ía!



De volta na clase, mudámonos de roupa e degustamos algúns dos snacks e aperitivos que sobraran do día anterior... tiñamos fame!



Agora chegan as vacacións, unhas vacacións diferentes respeto ás do verán pasado. O vindeiro curso será de cambios para todos e todas: grandes, medianos e pequenos, por iso, seguide moi atentos ao noso blogue que pechará a súa ventá en Rianxo para abrirse noutro cole, noutra aula e xa con novas “Sonrisas y Mandilones”... intentarase pechar como ben se merece:... por todo o alto!

#nodesdesiempreperosiparasiempre

Un saúdo e non esquezades que... o noso blogue se alimentará dos vosos comentarios!

#nodesdesiempreperosiparasiempre

viernes, 17 de junio de 2016


PELO, PICO, PATA.

viernes, 10 de junio de 2016

Con sabor a despedida, esta semana desfrutamos dun dos grandes acontecementos que agardabamos dende ía tempo: a excursión de fin de curso... por fin!
Así pois, o luns comezamos a semana máis contentos que nunca sabedores de que ese día tería lugar a visita ao zoo de Vigo, unha actividade que marcou gran parte deste 3º trimestre.
Nerviosos e inexpertos moitos de nós no uso do transporte público, subimos ao bus que nos agardaba nun dos aparcadoiros do cole. O primeiro de todo foi poñer o cinturón de seguridade e poñernos cómodos para desfrutar da viaxe... o autobús tiña dúas televisións!
Chegados ao noso destino, visita obrigada ao aseo e a merenda de media mañá que correu a cargo dos profes... había galletas para todos!














Xa logo, con temor de que a choiva estragase o planning, visitamos as instalacións da parte inferior do zoo. Había parrulos, ocas e cisnes, tamén xabaríns, ponis e ovellas, tartarugas, moitas, pero que moitas tartarugas e... dous lobos! Siii, os lobos foron os que causaron maior expectación, e como ao principio non se deixaban ver de todo, emprendemos “patrullas” persecutorias arredor do recinto ata que por fin, por fin se deixaron ver... impresionantes!
Había dous lobos, un máis grande e outro máis pequeno; como miraban para nós, como mantiñan a mirada fixamente... toda unha experiencia!


A continuación, unha das monitoras do zoo, explicounos con detalle algunhas das curiosidades das instalacións do “Exotarium”, o edificio que se atopa na entrada do zoo e que alberga diferentes especies exóticas. Había serpes, tartarugas, cabaliños de mar, bichos-palo... entre outras especies que precisan dunhas condicións de vida especiais... dentro ía unha calor abafante!


No mediodía, en torno ás 14:30h., dirixímonos cara un dos merenderos do zoo, alí, onda o recinto no que se atopaban os leóns e os osos, repuxemos forzas co pícnic preparado con tantísimo esmero pola nosa familia. Tiñamos fame e, logo de comer os alimentos obrigatorios (bocadillo de embutido, galletas, froita...) organizamos unha fantástica merendola na que compartimos os aperitivos aportados... mmm, todo exquisito!


Xa na tarde, seguimos coa visita. Agora tocaba a quenda das instalaciones superiores do zoo, quedaban por ver os osos, o león, a pantera negra negrísima, os pavos reais, as llamas...


Ata nos quedou tempo para pasar un chisquiño de medo en “Nocturama”, unha pasaxe do terror ao máis puro estilo Halloween-Samaín. Alí, nunha escuridade total, vimos os “murciegalos” boca abaixo e boca arriba, voando e escondidos nas covas... tiñamos que estar atentos, non se vía nada!


Xa para rematar, un tempo de xogo libre na casiña de Carapuchiña Vermella e no parque da entrada do zoo: corrimos, saltamos, xogamos, esvaramos, caimos... agora si que si... fora chaquetas e sudaderas!






Se nos tivesemos que quedar cun momento, nas asembleas matinais da semana deixámolo claro, tiñámolo claro: o momento da persecución dos lobos foi incrible e as carreiras no pavillón de “Nocturama” divertísima... que doado!


Os días posteriores á visita intentamos crear e recrear en diversas actividades o cúmulo de experiencias vividas neste día tan especial co que poñemos case case o punto e final a este curso... estupendos traballos!


E a vindeira semana?... Será intensa. Comezaremos a organizar todas as actividades impresas dos arquivadores e do dossier de lectura da actividade do préstamo semanal.
Asemade, hoxe venres iniciamos a motivación dunha viaxe que continuaremos o vindeiro curso: xa en 5 anos! Tratábase dunha caixa de cor rosa na que hai un montón de materiais das letras que semanalmente traballamos nas nosas casas na cartilla de lectura semanal... que expectación co País das Letras!


Así que estade moi atentos ao blogue e seguide ao noso carón neste fin de curso tan especial... #nodesdesiempreperosiparasiempre!
Un saúdo e non esquezades que... o noso blogue se alimentará dos vosos comentarios!