Bienvenido

HORA DE LER.

viernes, 27 de enero de 2017

A partir desta semana, incorporamos unha nova rutina á nosa parrilla de clase, a do préstamo de biblioteca, unha actividade que se converterá nun valioso recurso didáctico para o desenvolvemento lingüístico e para a consabida adquisición de técnicas vinculadas co proceso de lecto-escritura.
Trátase dun préstamo semanal (de venres a venres) que propiciará un sempre grato encontro co mundo dos contos e da lectura que crea un clima que resulta tan estimulador para a adquisición de técnicas relacionadas co proceso de lecto-escritura.
Ademais, tamén servirá para que nos ilusionemos cun ambiente propicio á lectura no ámbito escolar e familiar e para que nos contaxiemos do entusiasmo dos libros como portadores dun mundo máxico e marabilloso.


Ao longo de cada semana, coa axuda inestimable das nosas familias, traballaremos o conto para comprender a súa liña argumental, xa que cada venres, nomearemos entre os participantes na actividade, un contacontos segundo a orde da casiña do panel de rutinas que “lerá” o conto ao resto de compañeiros e compañeiras a través da interpretación das súas imaxes.
A través da narración dos contos, aprenderemos a escoitar, a pensar, a  adquirir un primeiro código moral, a ver as cousas cos ollos da imaxinación, estimulando a creatividade, o pensamento diverxente e o sentido crítico.


Entre as moitíiisimas actividades que podemos levar a cabo están: as actividades de comentar que axudan a asimilar o conto e a realizar unha transposión dos feitos ás experiencias vividas, actividades de xogo dramático, representando os roles dos protagonistas do conto, tamén actividades de creación de historias como a ensalada de fábulas ou o binomio fantástico propostas por Gianni Rodari na súa obra Gramática de la Fantasía (1985).
Así pois, que mellor maneira de dar comezo a esta rutina que coa visita duns contacontos especiais, nada máis e nada menos que os nenos e nenas de 1º de Educación Primaria, que onda a súa profe, deleitáronnos coa fermosa historia de MONSTRUO ROSA da editorial Apila.


O conto de Monstruo Rosa traballa o valor da diferenza, unha historia para entender a diversidade como elemento enriquecedor da sociedade.


Uf! Inevitable non lembrarse a partir deste conto de YAGO, NICOLÁS, MIGUEL, NAIRA, MICAELA, LAURA, GAEL & SABELA R.G., XIMENA, EVA, SANTIAGO, YAIZA, SABELA R.I., BRUNO, DANIELA, NAIARA, PAULA, JUAN RAÚL, XOEL e MARCOS… canto disfrutaramos na visita á Biblioteca Municipal onda os nenos e nenas da profe Silvia!...
Nesta ocasión, tivemos un momento de sorrisos compartidos co fotomatón empregado para contar a historia… todos queriamos probar!















Posteriormente, debuxamos cadanseu personaxe favorito: o bicho bola de cor NEGRA, a rá dos tres ollos de cor VERDE, o paxariño de cor AMARELA, o monstro dos abrazos de cor AZUL... etc 


Xa logo, na asemblea matinal, descubrimos e coñecemos os contos aportados para o préstamo, asociando incluso cada conto ao seu dono... que memoria! Tamén lembramos que cada semana os contos deberán vir en perfecto estado: non se poden colorear, raiar, recortar, romper...
E para rematar, comezamos co proceso de selección. Rapidamente entendemos que o único que podía elexir conto sería o contacontos semanal. Nesta ocasión SERGIO, escolleu o conto de PAULA Chumba la cachumba (Colección Clave de Sol)... convencidos que será un contacontos xenial!


Sen máis, o resto levamos o conto asignado ao chou, máis adiante, deberemos lembrar que conto levamos para non repetir... ollo!
Logo da tensión inicial suscitada pola actividade durante a semana, o momento do préstamo converteuse en toda unha experiencia... diso se trata!


Familias!!... convencidos que axiña vos poderemos contar os avances nesta rutina semanal, lembrade que non se trata de memorizar o texto, -nin moito menos-, senón de saber interpretar as imaxes, algo fundamental e que servirá de fío condutor para o resto do grupo-clase... contamos convosco! 
Un saúdo acompañados de lectura e non esquezades que... o noso blogue se alimentará dos vosos comentarios!

"HAZME UN MUÑECO DE NIEVE".

viernes, 20 de enero de 2017

Con Elsa, Anna e Olaf, atopamos a mellor das motivacións posibles para descubrir, identificar e valorar algúns dos elementos e cambios producidos no contorno e na vida das persoas coa chegada do inverno... que frío!
Mergullados neste centro de interese, comezamos nas asembleas matinais cun torbeliño de ideas sobre o inverno.
O certo é que as asembleas matinais resultan cada vez máis produtivas no incio dun novo centro de interese, evidenciando os nosos coñecementos previos e necesidades de aprendizaxe cara o tema de estudo.
Así, e tras ollar as roupas de abrigo dos percheiros, conversamos sobre a indumentaria propia que precisamos para protexer o noso corpo contra o frío: pezas máis grosas, uso de materiais máis cálidos, maior cantidade de roupa e accesorios específicos desta estación (bufandas, gorros, guantes, abrigos…) recoñecendo e asociando partes do corpo e pezas de vestir.
Bonitos e curiosos quedaron os nosos traballos nos que ademais de completar o esquema corporal de MUNELA, BERTA E PABLO, aproveitamos tamén para vestilos de inverno... excelente!


Por outra banda, coa chegada do inverno, tamén aparecen nas nosas casas novos obxectos que nos axudan a paliar os rigores desta estación tales como as estufas, as mantas e as calefaccións “con leña” na aldea.
Sen lugar a dúbidas, quedounos clara a necesidade de abrigarse para evitar arrefriados, gripes, dores de gorxa… adquirindo unha serie de hábitos e actitudes relacionadas co benestar e co coidado da saúde; pois unicamente así evitaremos a visita ao médico.
Así que xa o sabedes: “en xaneiro… bufanda, abrigo e sombreiro!”.


E tanto que si... pois aproveitando os raios de sol que saíron o xoves, axiña coidamos en disfrutar da zona axardinada do patio, despois de tanto tempo, case nin lembrabamos esta zona... marabilloso!


Asemade, se algo temos máis que claro, clarísimo, é que no inverno hai neve, moooita neve… e que podemos facer coa neve?... Uf!, un montón de cousas divertidas: bonecos de neve, bólas de neve, patinar, esquiar…
Neste senso, as alusións a Frozen foron case inmediatas, un feito que provocou a escoita activa e visionado de fragmentos parciais do filme... cando Anna lle pide a Elsa o boneco de neve... fascínanos!



E que mellor maneira de reflectir todas estas aprendizaxes que mediante uns debuxos nos que deixar voar a nosa imaxinación … quedamos conxelados!


Un saúdo e non esquezades que... o noso blogue se alimentará dos vosos comentarios!

MOMENTOS MÁXICOS...

viernes, 13 de enero de 2017

Despois das vacacións, esta semana voltamos ao cole e aínda que custará coller o ritmo, quen máis e quen menos desexaba voltar ver a todos os nosos compañeiros e compañeiras.
Así pois, o luns, como unha mañá máis, comezamos coas rutinas de entrada e coa asemblea matinal. Unha asemblea matinal na que se introduciron novidades que axiña vos contaremos... canta estrea!...
Evidentemente, despois de tanto tempo sen vernos, tiñamos mil millóns de cousas que contar, sendo o máis importante deixar claro-clarísimo todo o que nos deixaron Papá Noel e os Reis Magos... unha locura!
Non fomos bos, nooon, fomos, re-que-te-bos!, e viñeron cargadiños de agasallos olé, olé, olá...


Xa logo, despois da asemblea que como é obvio alongouse máis do habitual, o profe contounos que as Súas Maxestades os Reis Magos de Oriente nos deixaran un e-mail.
Pero..., un e-mail?, que é un e-mail?...
Pois un e-mail, é unha carta, pero no canto de escribila en papel escríbese no ordenador e, no canto de enviarse nun sobre e cun selo precisamos ter conexión a Internet... que modernos estes Reis Magos!
No e-mail, as Súas Maxestades explicábannos cousas tales como que nos temos que portar fantástico tanto na casa coma no colexio, déronnos as grazas por todas as galletas, trociños de turrón e vasiños de leite que lles deixamos na Noite de Reis... etc
Cos ollos abertos coma platos e a boca pechada, non perdemos detalle do e-mail proxectado no Encerado Dixital Interactivo (E.D.I.), unha situación contextualizada que nos serviu como alicerce para recoñecer algúns grafemas de sobra coñecidos por todos e todas... fantástico!












Esta situación, foi algo que, por si non sabiades, vivimos a mañá do luns 19 de decembro logo de que aparecese preto á ventá da máquina rexistradora un agasallo en forma de carta.
Estabamos confusos e impacientes por saber quen enviaba aquel sobre no que se lía: “PARA 4 AÑOS”… nin idea!


Rapidamente, as hipótesis non tardaron en aparecer, pero foron en balde... seguiamos desconcertados! Ata que limos o que poñía naquel texto presidido pola imaxe das Súas Maxestades. Pero... os Reis Magos estiveran no cole?... Bueno, máis que os Reis Magos os seus axudantes os paxes reais, coidamos que as Súas Maxestades terían traballo dabondo eses días xestionando a morea de traballo na súa “Fábrica Real de Xoguetes”...
Ansiosos preparamos as cartas cuns debuxos ilusionantes no que cadaquén plasmou aquilo que non debía faltar na súa árbore de Nadal na Noite de Reis... cantos xoguetes!


Xa o mércores 21 de decembro, despedimos o trimestre da mellor das maneiras posibles. Os Reis Magos -ou quizáis os seus axudantes, coidamos que non eran os auténticos- acudiron ao colexio para recoller as nosas cartas e agasallarnos cun detalle... cantos nos tardaron! deberon perderse por Lugo coa néboa!...












Ao final todos e todas logramos superar os nosos medos e entregar en man as nosas cartas de Nadal... fenómeno!


Asemade, e aproveitando todo este cúmulo de experiencias suscitadas co gallo do Nadal, xa na volta de vacacións, levamos o noso xoguete preferido: coches teledirixidos, xogos de mesa, cans adestrados e, como non podía ser doutro xeito, Patrulla Canina, moita, pero que moita Patrulla Canina xa case dende principio de semana coa sorpresa de LOIS… 












A experiencia resultou interesante porque soubemos compartir coma auténticos súper-maiores de 4 anos, ensinando previamente o dono do xogo e/ou xoguete como se artellaba aquel xoguete... e como recompensa... tempo dobre de rincóns!...


Así pois, e tendo en conta que hoxe non había lugar a “ficha”, debuxamos libremente algún dos agasallos que nos trouxeran. Pero que casualidade, que a máis dun “non lle acordaba”, xusto nese momento, que agasallos tivera este Nadal… únicos!


Nooon, non todo acaba aquí, pois para que vexades que xa metimos segunda e que traemos as pilas cargadísimas, esta semana retomamos a actividade de MUNELA que viaxou á casa de DIEGO, organizamos os libros de traballo, comezamos unhas interesantísimas asembleas... e moitas cousas máis que axiña vos iremos contando no noso blogue…
Este 2º trimestre promete!... E para que nunca deixedes de SOÑAR e non esquezades nunca que os Reis Magos existen!... existen no corazón das persoas que cren neles!… Familias!... velaí deixamos o voso agasallo de Nadal!... 
Un saúdo e non esquezades que... o noso blogue se alimentará dos vosos comentarios!