Bienvenido

BO NADAL 2018!!

martes, 25 de diciembre de 2018



Moitos estamos sen palabras e preguntándonos como Papá Noel entrou nas nosas casas para deixarnos xunto á árbore de Nadal os agasallos cos que estamos disfrutando; senón é así, non hai de que preocuparse, xa que as Súas Maxestades os Reis Magos de Oriente están cada vez máis cerca... Para iso, hai que lembrar o que facer na Noite de Reis senón queremos que nos pase como a Martiño… atrévete a soñar!
Siii..., unha vez aberta a última fiestra do noso “Calendario de Adviento”, chocolatina a chocolatina, chegamos ao 25 de decembro... Día de Nadal!















Así pois, neste día tan especial, gustaríanos desexar a todos cos que compartimos un sorriso, unha bágoa, un soño ou simplemente un momento das nosas vidas e deixástedes unha pegada en nós, que nunca vos falte un soño polo que loitar, un proxecto que realizar, algo que aprender, un lugar onde ir e alguén a quen querer.


Os nenos e nenas de 4 ANOS A deséxanvos un BO NADAL 2018 e un PRÓSPERO ANINOVO 2019 no que todos os vosos soños e desexos se convirtan en realidade.

TEMPO DE NADAL...

viernes, 21 de diciembre de 2018


Hoxe venres 21 de decembro, por fin chegou o tan ansiado final de trimestre, día no que levamos os materiais elaborados de MUNELA para a casa e participamos no Festival de Nadal onda o resto de nenos e nenas do cole.
O Nadal é tempo de soños e ilusións compartidas, a inminente chegada de Papá Noel e das SS.MM. os Reis Magos de Oriente, propician un case permanente ambiente de maxia que evidentemente non deixamos escapar na escola e na nosa aula.
Así, ao tempo que cada día o súper-encargado abre unha fiestra do Calendario de Adviento, aproveitamos para realizar un senfín de actividades coas que nos achegamos a algúns dos elementos, celebracións e costumes do Nadal na nosa comunidade.
Neste senso, realizamos diferentes actividades impresas cuxo eixo motivador, como non podía ser doutro xeito, foron Papá Noel e as SS.MM. os Reis Magos de Oriente, personaxes por excelencia desta data.


Comezamos coloreando de cor vermella o calcetín que noutros países Papá Noel (Santa Claus), enche de agasallos a nenos e maiores, por suposto dándolle o noso toque final... purpurina dourada!


Tamén coloreamos ás SS.MM. os Reis Magos de Oriente seguindo o código de cor establecido na actividade impresa. Non temos de todo claro quen é Melchor e quen é Gaspar, a quen si coñecemos de sobra é a Baltasar.


Como xa vos contamos noutras ocasións, con estas e outras actividades, ao tempo que coidamos en realizar o traballo cotiá da mellor maneira posible (sen présa e prestando atención ao traballo propio), avanzamos na escrita espontánea de palabras significativas... fantástico!


Con tanta ansia por traballar neste sprint final de trimestre, adicamos diferentes momentos ao christmas que xa o xoves levamos para as nosas casas: pegamos estrelas troqueladas de purpurina, estampamos o dedo impregnado en témpera de cor branca, escribimos “BO NADAL 2018”... bonito, bonito quedou o noso christmas, que máis dun colocou na árbore de Nadal.


Sen lugar a dúbidas, esta semana foi de festa, resultou unha semana distinta na que se presentía certo saber a remate de trimestre e por iso, un día organizados en fila, percorremos os corredores do cole para admirar a coidada decoración de cada espazo: portas, paredes, fiestras... canto detalle!


E aínda quedaba o mellor... a celebración dos aniversarios de decembro! Uns entregados BELTRÁN, NABIA, VALERIA, ALICIA e SIRA, como anfitrións deste mes, cumpriron coas rutinas deste momento deixando paso á tarta de 5 ANOS que en xaneiro comezará a encherse con novas fotografías... parabéns!


Por tratarse duns aniversarios de final de trimestre e de ano, nesta ocasión, a celebración foi máis aló do habitual pois, ao ritmo dos éxitos do Just Dance 2018, gozamos dun momento de festa inigualable,... queremos repetir!


Isto, e a celebración do Festival de Nadal no que interpretamos a panxoliña de composición propia da profe Marta: “Chega o Nadal”, foron o mellor final posible deste 1º trimestre de 4 ANOS.







Agora xa, toca gozar destes días de vacacións e repoñer forzas para encarar un 2º trimestre que se presenta cargado de novas sorpresas... este cole si que mola!


Un saúdo con sabor a turrón e a mazapán e non esquezades que... o noso blogue se alimentará dos vosos comentarios!

ArTiStAs!...

viernes, 14 de diciembre de 2018


A piques de rematar o 1º trimestre non queriamos deixar de facervos partícipes, unha vez máis, das actividades desenvoltas no que vai de curso na aula de Educación Artística da Facultade de Maxisterio.
Neste senso, e sabedores de que a linguaxe artística xoga un papel indiscutible en Educación Infantil, participamos activamente en 3 obradoiros artísticos cuxo obxectivo foi achegarnos, se cabe aínda máis, ás múltiples posibilidades que nos ofrece a linguaxe plástica, musical e corporal.
Esta nova incursión na aula de plástica non resultou algo novo para nós, pois ademais das actividades desenvoltas o curso pasado, estes días como xa vos contamos, seguimos afondando no descubrimento, coñecemento, identificación e reflexión dos bits de intelixencia nos que da man de artistas de renome tales como: Picasso, Leonardo Da Vinci, Miró, Salvador Dalí, Goya... aprendemos a valorar elementos artísticos próximos á nosa experiencia.

"Cuadrados con círculos concéntricos" de Vasili Kandinski
Nesta ocasión, en varios días desenvolvemos sendos obradoiros nos que a través de elementos e materiais propios da linguaxe plástica e material de desfeito e refugallo, aúnamos as distintas linguaxes artísticas.
En primeiro lugar, organizados en pequeno-grupo, dispuxémonos en distintos espazos da aula de plástica onde os estudantes de Maxisterio -con paciencia- nos explicaron en que consistía cada actividade. Tocaba poñerse mans á obra... non había tempo que perder!


Un dos primeiros obradoiros desta quenda de actividades foi mesturar a expresión plástica, musical e corporal: movémonos polo espazo delimitado para tal fin ao ritmo da música, saltamos, arrolamos, corremos, andamos... e todo descalzos!...


Xa logo, cun material que apenas coñeciamos (carboncillo), expresamos en papel o que nos transmitía a música: raiamos, garabateamos, coloreamos, trazamos... non sabemos moi ben o que, pero o que está claro é que deixamos voar a nosa imaxinación e que o noso corpo fluíra libremente... canto rimos!





Noutro espazo, xa de xeito máis organizado, convertémonos en pequenos-grandes artistas creando e recreando con pincel e témpera de todas as cores aquilo que cadaquén quixo: cor vermella, amarela, marrón, verde... canto gozamos deste momento debuxando formas, liñas... canta cor!




Finalmente, no derradeiro obradoiro, deixando paso agora á arte en 3D, demos paso ao mundo da escultura onde, cunhas pezas de construción extra-grandes, compuxemos unha e outra vez diferentes esculturas ás que ademais lles tivemos que dar título.


Quizais este resultou o obradoiro máis complexo, a nosa ansia por interaccionar coas pezas de construción impedía ter un mínimo de organización na actividade, calma e non hai que esquecerse que... hai que compartir!


E aínda quedaba o mellor, decorar con xiz de cor branca a escultura XXL composta en pequeno grupo: soles, corazóns, casas, nubes, flores, árbores... mesmo un foguete espacial!...


Xa logo, de xeito individual, cadaquén debuxou a súa composición/construción para, posteriormente, convertidos en auténticos artistas, explicar ao resto do grupo a súa obra: agardando a quenda, escoitando con atención, erguendo a man para falar... canto nos custa!



Unha vez máis, e grazas a este ambiente tan propicio para a estimulación da imaxinación e creatividade, observamos, identificamos, coñecemos e diferenciamos propiedades e calidades de obxectos cotiás, decatándonos que hai... arte por todas partes!
E agora que?... Pois ademais de seguir avanzando no caderniño de MATEMÁTICAS, daremos un pulo á panxoliña de composición propia da profe Marta: “Chega o Nadal” para a estrea mundial do venres 21 de decembro co que pecharemos este 1º trimestre de 4 ANOS... case todo listo!



Un saúdo e non esquezades que... o noso blogue se alimentará dos vosos comentarios!