Bienvenido

"PÍCAROS NO MERCADO".

viernes, 31 de mayo de 2019


Dende a Área de Concello e Cidadanía de Lugo, esta semana participamos na campaña “Pícaros no mercado”; unha actividade coa que nos achegamos de xeito vivenciado ao Mercado Municipal e á Praza de Abastos.
Neste senso, esta temática non é nova para nós, pois no libro de actividades nº5 de MUNELA, cuxo centro de interese era o mercado, descubrimos, identificamos e valoramos o mercado como un espazo no que podemos encontrar todo tipo de produtos frescos con cores, olores e sabores moi variados.
Así, aprendemos que no mercado a xente compra verduras, carne, pan... e mesmo toma chocolate con churros a 5 euros como PABLO, BERTA e MUNELA... que memoria!
A primeira hora da mañá, expectantes e ilusionados, repasamos as normas de seguridade e de urbanidade para a saída: agarrados da nosa parella, non andar moi rápido nin moi despacio, non baixar da beirarrúa...
Aproveitando que o tempo acompañaba, percorremos a Avda. de Ramón Ferreiro, Bispo Aguirre, Praza de España, Doutor Castro... 


Que vida hai de boa mañá en Lugo, que bonito é Lugo, Lugo ten moito que ver... Lugo mola!
Xa logo, en primeiro lugar, visitamos a Praza de Abastos, mergullándonos de cheo en cada posto.


Na PESCADERÍA vendían pescados de mar e de río. Tamén marisco: langostas, centolos e peixes a granel!


Neste posto había un conxelador xigante que semellaba un armario... impresionante!


Na POLLERÍA vendían polos, pavos, ovos... mesmo hamburguesas e croquetas... excelente selección!


No posto da FROITERÍA había leitugas, tomates, patacas, cogomelos..., e moitas moitísimas clases de froitas: mazás, cereixas, plátanos, melocotóns... canta cor, canto brillo!... cada produto no seu lugar!...


Na CARNICERÍA vendían carne de vaca, de porco e de cordeiro... mesmo había porcos enteiros!... quedamos abraiados! e posiblemente sexa unha das cousas que máis nos chamaron a atención.


Xa para rematar a visita guiada pola Praza de Abastos, restaba visitar a PANADERÍA onde vendían distintos tipos de pan, galletas, rosquillas, pasteis, empanadas... mmm, canto arrecendía!


Por outra banda, tamén visitamos o Mercado Municipal cos mesmos postos e unha CAFETERÍA xusto na entrada,... que almorzo tan apetecible!...



Neste espazo, desenvolvemos unha actividade coa que recoñecer e valorar a importancia dunha dieta equilibrada como medida fortalecedora de saúde coloreando segundo o código de cor establecido os alimentos prexudiciais (cor vermella) e beneficiosos (cor verde).


Sorprendente o involucrados que estivemos na actividade, coidando de non saírnos do contorno e obstinándonos en rematar a actividade cando xa apenas restaba tempo... debiamos voltar ao cole!..., o seguinte grupo estaba agardando a súa quenda de visita!...


Para rematar, na clase, improvisamos unha asemblea na que cadaquén aportou a súa impresión e valoración, recreando tanto o noso posto favorito como as rúas de Lugo... os gladiadores romanos da Praza de España: un clásico... estupendo!



Un saúdo e non esquezades que... o noso blogue se alimentará dos vosos comentarios!

4 comentarios:

Anónimo dijo...

Moitas grazas pola dedicación hacia os nosos nenos e por este blog que nos permite as nais e pais disfrutar de velos tan contentos e entusiasmados con todas as actividades propostas.

Jose dijo...

Unha gran excursión con grandes experiencias. A ver se aprenden que na plaza hai algo máis que chocolate, churros e chuches

Pablo F dijo...

Xenial a idea de visitar o mercado. Martín veu alucinado coas langonstas e centolas.
Moi diver.

Maria Fernández Lamas dijo...

Mil gracias por el blog!!! No sabes cuánto te agradecemos todos los comentarios, explicaciones y fotos que acompañas. Te agradecemos el esfuerzo que haces al compartir el día a día de nuestros niños. Gracias