Bienvenido

PALABRAS ONDE HAI MAXIA...

domingo, 29 de noviembre de 2009

Unha semana máis, estamos aquí de novo para contarvos, nesta ocasión, unha das actividades que vivimos no cole xa fai algúns días...
Como vén acontecendo cada curso, o Equipo de Biblioteca, organizou unha xornada inaugural da biblioteca do centro que serviría de comezo para que todos aqueles nenos e nenas que así o desexen lle saquen o máximo partido a este espazo do centro no que se atopan encerradas moreas de historias que relatan peripecias inventadas, enxeñosas, realistas ou fantásticas, viaxes a aventuras prodixiosas... falamos dos contos, que tantas experiencias metodolóxicas de ensinanza-aprendizaxe propician no noso día a día.
Como ocorre sempre que se leva a cabo unha actividade a nivel de centro, os días previos, na aula, traballamos o centro de interese sobre o que xirarán as actividades da biblioteca neste trimestre: os ratos. Así, tras descubrir o slogan para este trimestre: “Le un rato… cos ratos!” comezamos a traballar.
Unha das primeiras actividades que fixemos foi a elaboración dun rato para o que empregamos distintas técnicas e materiais da linguaxe plástica; este rato, ademáis, serviría para decorar a biblioteca. Os materiais empregados foron plastilina de cor marrón, negra e branca, pois unha técnica plástica na que cada un de nós podría facer a súa aportación ao rato sería se este o cubrimos de boliñas de plasti, agás o bigote, xa que decidimos facerlle tres churriños de plasti negra.
Do mesmo modo, o profe elaborou unha parella de ratos que aparecen encima dun libro e que decoran estos días a porta da clase.
Por outra banda, como xa sabredes, é moi doado coñecer cal é a porta da biblioteca, xa que esta é unha das máis bonitas de todo o colexio. Para este curso seleccionouse unha ilustración extraída dun dos nosos contos preferidos o curso pasado: Orejas de mariposa (Edit. Kalandraka), lembrades?... e, unha vez máis, para finalizar esta auténtica obra de arte solicitouse a colaboración de todos os nenos e nenas do cole.
A tarefa consistía en escribir 3 “palabras fermosas” en tiras de cores que servirían para cubrir o vestido dunha das nenas que aparecen no mural. Tras moito falar e debatir nas asambleas matinais o que era e o que non era unha palabra fermosa, tarefa que resultou un tanto complicada para nós, entre todos e todas decidimos que as palabras as nosas palabras serían: “FANTASÍA”, “CARIÑO” e “AMOR”, tras descartar outras moitas coma: paz, princesa, niño, parque, rosa, spiderman...
A semana antes, o profe levounos á biblioteca non sen antes lembrar como nos temos que comportar cando imos ao pavillón sur dos maiores, pois sempre están traballando e non os podemos desconcentrar. Alí, puidemos observar na sección de novidades da biblioteca a exposición de libros cuxos protagonistas eran ratos con títulos tales como: Honorato o rato namorado, La ratita presumida ou El flautista de Hamelín aportando nos outros que coñecíamos como o de El ratoncito Pérez (Edit. Susaeta) que tantas veces limos na clase.
Cando por fin chegou o día da sesión inaugural, e puxemos as tres palabras fermosas no mural e o noso rato na biblioteca, agardábanos unha sorpresa sensacional, pois nada máis e nada menos que nos tiñan preparada unha sesión de contacontos cun personaxe do máis particular.
Tratábase de Rato Pincho, un rato que era un pouco rato, un pouco neno, un pouco vampiro e un pouco muller, que nos contou unha das historias que lle ocorrera fai algún tempo… A obra entusiasmounos, non perdimos detalle do que nos contou Rato Pincho e agora podemos ver o vídeo tantas veces como queiramos na web do cole.

Un saúdo e non esquezades que máis que nunca... o noso blog se alimentará dos vosos comentarios!


6 comentarios:

Profe J.Ricardo dijo...

Me gustaría agradeceros vuestros comentarios a lo largo de estas semanas en las que "Sonrisas y Mandilones" se puso en funcionamiento. Me agrada comprobar que cada día sois máis las familias que hacéis vuestra aportación a esta "aventura informática" y, sobre todo, descubrir que cada mañana son más los niños y niñas que me comentan, muy ilusionados, que han estado visitando nuestro blog. ¡Mil millones de gracias!
Un saludo y ahora más que nunca, recordad que nuestro blog se alimentará de vuestros comentarios.

Anónimo dijo...

Cantas cousiñas facedes cos nosos fillos. Que pena, no meu caso, de que apenas me conten o que fan no cole. Agradecer o profe todo o traballo que está a facer con este blog, xa que así podo ver o que fan
un saúdo

Anónimo dijo...

Hola!!qué suerte tienen estos niños con este profe tan joven y con tantas ganas de trabajar, ojalá mis profes de Infantil fueran así, seguramente ahora, con mi edad me encantaría leer; y en cambio, me es un poco igual.Es hoy, cuando encuentro más divertidos los cuentos Infantiles que antes, porque mis profes tenían muy muy poca gracia para contarlos, y no estábamos motivados.

Gracias, repito, su redacción Brillante. ;)

Anónimo dijo...

Por qué rosa ou parque foron descartadas? non son palabras fermosas?

Anónimo dijo...

Esto sí que es animación a la lectura...¡para que luego digan!.Gracias Ricardo,gracias al equipo de la Biblioteca y ¡como no! gracias Rato Pincho por ser un ejemplo para los más peques.

Anónimo dijo...

¡Qué agradable é poder enterarnos das actvidades que fan os nosos nenos no cole, e ó mismo tempo disfrutar de anécdotas tan simpáticas como a de "spiderman"!