Bienvenido

UN COLE DE CONTO...

viernes, 5 de febrero de 2016

Si, si, si, o antroido xa está aquí!... E hoxe tivemos o tradicional correrúas que serviu de colofón final a unha semana diferente no que desenvolvimos actividades relacionadas co antroido.
Así, para celebrar a chegada do antroido, un curso máis dispúxose nos corredores de cada pavillón xa dende a semana pasada,  o “Toribiño.
Como sabedes, o Toribiño é un esquelete que, cada curso visita o cole cun cometido: día a día encárgase de comunicar cal é a consigna establecida, en canto a indumentaria se refire, que debemos levar o próximo día ao colexio.
Desta vez, o Toribiño ordenou: para o luns colares, o martes os zapatos decorados, o mércores con coloretes e xa o xoves algo na cabeza. Podedes facervos unha idea de como rematamos a semana... antroidos de primeira! aderezados, como non podía ser doutro xeito, co antiface que coloreamos con paciencia, moita, pero que moita paciencia de MOLI...


Este curso, o centro de interese para o antroido estableceuse por ciclos-niveis. No caso de Educación Infantil, a temática seleccionada polo Equipo de Ciclo foi a dos contos infantís.
Nas asembleas matinais levamos a cabo torbeliños de ideas para detectar os nosos gustos no que a personaxes de contos infantís se refire e, dalgunha maneira, que o disfrace escollido nos resultase significativo.
- A ver, a ver... personaxes de contos favoritos?...
- Patrulla Canina, Peppa Pig... Frozen, Raio MacQueen... Spiderman, as Tortujas Ninja... -e así todo ata o infinito e máis alá!-
Que foi de Carapuchiña Vermella e o Lobo Feroz?... ou dos 3 porquiños?... ou de Cincenta e Blancanieves?... Que mágoa que os contos de sempre queden relegados a un segundo, terceiro, case inexistente plano!...

Finalmente, como xa vos contaramos, os nenos e nenas de 3 anos irían de Carapuchiña Vermella e Lobo Feroz, os nenos e nenas de 5 anos de Peter Pan e Campanilla e nós, de 4 anos... de Blancanieves e de Príncipe Azul!


Foi un notición, e contra todo pronóstico, logo de ver a fotografía do disfrace de Príncipe Azul, os nenos tolearon: espada e capa... coma un súper-heroe... estupentástica nova!
Fíxose longa a semana, e todos e todas estabamos ilusionadísimos co día do correrúas, tan só quedaba agardar que non chovese e sucedese o do curso pasado... que caos!
Para que a espera se fixese máis levadeira, durante a semana vimos fragmentos da película de Blancanieves y los siete enanitos de Disney, escoitamos a súa BSO no momento da merenda, concluímos que o Príncipe Azul leva a espada de adorno, a mellor arma foi o bico a Blancanieves...
Asemade, aproveitamos para facer e refacer unha e outra vez os puzzles de 50 pezas de BLANCANIEVES, os ENANITOS, a BRUXA e o PRÍNCIPE AZUL.



Xa o venres, guapísimos de princesas e príncipes, acudimos ao cole que ese día foi de conto... que ben o pasamos!
As nenas, impresionantes, moi, pero que moi guapas... auténticas princesas!


E os nenos... espectaculares, causaron furor!...


Faltaban dúas Blancanieves: PAULA e EVA. Xa logo, apareceu unha fantástica EVA e repetimos sesión de fotos xa no exterior do cole... que sol ía!


Durante o correrúas, como si se tratase dalgo decote para nós, como se fósemos expertos na materia, seguimos os pasos marcados a carón da nosa princesa ou príncipe, saudamos ás nosas familias entregadas coa actividade do colexio... deixamos claro que 4 anos B estaba aquí!
Xa de novo na clase, tocaba repoñer forzas, e para iso degustamos na mesa grande todos os postres de antroido aportados polas nosas familias: roscas, freixós, orellas... mmm, estaban deliciosas!


Mil millóns de GRAZAS, familias!... Sen a vosa colaboración este cole de conto non podería facerse realidade!... fomos os mellores porque vós sodes as mellores!...
E colorín colorado,  non esquezades que... o noso blogue se alimentará dos vosos comentarios!

4 comentarios:

Anónimo dijo...

Son a tía dunha nena de 4 anos B, e encantoume que a temática elixida para o Entroido fose a dos contos, posto que a literatura é o mellor alimento para a creatividade de nenos e adultos.
Sen embargo, non me gustou nada que tivesedes que recorrer a un dos grandes tópicos sexistas que seguen gravados a lume no colectivo, en xeral: as nenas son princesas e os nenos son príncipes. Non sei se se lle deu a oportunidade ao alumnado de que escollese se quería disfrazarse do personaxe feminino ou do masculino, pero creo que debería ser obrigatorio.
Seguro que a moitos pais e nais lles parece rizar o rizo pensar como penso eu (miña irmá, a nai da propia nena así o pensa) pero eu creo firmemente que a lacra sexista que segue a existir na actualidade empeza nos pequenos detalles e, sobre todo, debemos empezar a cambiar a forma "tradicional" do patriarcado desde os máis pequenos.
Para ensinarlles que os contos tamén poden dar a volta e que o "significativo" sexa que Brancaneves e o resto de princesas son máis intelixentes que fermosas, autosuficientes e que non dependen de ningún príncipe encantador que as pasee da man.

Familia Romero Sobradelo dijo...

Despois do festival de nadal, o correrúas e un dos días mais agardados tanto polos nen@s como polas respectivas familias.

O día estivo espectacular, e non nos quedou dúbida de que non faltou detalle pero tamén sabemos que o conto non sería posible sen a colaboración dos ENANITOS e como non da impresionante BRUXA coa sua apetitosa MAZÁ.

Tamén aproveitamos para felicitar o COLEXIO e a tódalas aulas polo traballo realizado e facernos pasar un día tan especial.

Estivestes todos REQUETEGUAPOS

Unknown dijo...

Noraboa peques, príncipes e princesas, estabades todos guapísimos!!! Tamén a bruxa e os enaniños!!!

Foi moi bonito o desfile.

Por fin voltou unha das tradicións mais chulas que había en Rianxo, logo de varios anos, e con ela voltou a alegría dese venres de Antroido no que medio pobo se paraliza e se bota á rúa a ver ós nosos pequenos co seu disfraz cheos de ilusión.

Moitas gracias por facernos pasar un día maravilloso e noraboa a todos!!!

Unknown dijo...

Respeto a tua opinión pero tes razón, pareceme rizar o rizo, porque estamos falando de nenos de catro anos.

Non hai que sacar as cousas de quicio muller, non metamos nun simple desfile de Antroido, no que o único que interesa ás familias é disfrutar do día cos nosos pequenos, cousas que non veñen ó caso e das que os nenos nin se enteran.

Non dramaticemos, que só é un desfile!

E que conste, que a min persoalmente non ne gustaba disfrazarme de princesa, pero agora entendo a miña nai cando me poñia esos disfraces...a quen non lle gusta ver á sua peque de princesiña!!!

Verdad que estaban tod@s guapisim@s????