mergullARTE NA ARTE!!!

A pesar dunhas semanas intensas no ca actividade diaria se refire, -xa rematamos o libro número 6 de Papelote-, comezamos a estudar uns “Bits de Inteligencia” novos, nesta ocasión vencellados co mundo da arte... fascinantes!

Os “Bits de Inteligencia”, resultan de gran utilidade para estimular o cerebro, a aprendizaxe e a memoria, axudándonos a adquirir novos coñecementos, a desenvolver e ampliar a linguaxe, o hábito e a capacidade de atención, a memoria visual e auditiva, a fomentar a nosa curiosidade e interese... e xa o trimestre pasado, convertíronse nuns recursos didácticos excepcionais cos que aprendemos algúns dos planetas do Sistema Solar e tamén as características dalgúns instrumentos musicais como o metalófono, a gaita ou o violín.

Pois agora, chegou o turno de mergullarnos no mundo da arte, máis concretamente, estamos descubrindo obras pictóricas de artistas archi-coñecidos por todos e todas: Picasso, Leonardo Da Vinci, Miró, Salvador Dalí...

Con esta rutina, poñémonos en contacto coa arte e as expresións artísticas de todos os tempos e de diferentes culturas, para deste modo, desenvolver e ampliar o noso sentido artístico ao máximo, así como ofrecernos unha amplia gama de posibilidades artísticas que contribuirán ao desenvolvemento da competencia cultural e artística establecida pola UNESCO.

Esta nova rutina, supón coñecer, comprender, apreciar e valorar criticamente diferentes manifestacións culturais e artísticas que promoven un xuízo crítico e creativo da realidade que se amosa. Ademais, día a día, aprendemos un pouquiño máis de cada obra: autor, movemento pictórico, características máis salientables... e todo aquilo que nos amose un coñecemento o máis exhaustivo posible das 12 obras seleccionadas.

Así, para convertirnos en pequenos-grandes expertos en arte: ollos abertos, orellas abertas e... boca? Pechadaaa!!! Non se nos escapa unha...

 “LA GIOCONDA” de Leonardo Da Vinci.

 “LAS BAÑISTAS” de Pablo Ruiz Picasso.

“LATAS DE SOPA DE TOMATE" de Andy Warhol.

“NIÑOS JUGANDO A LOS DADOS” de Murillo.

“EL HOMBRE DE VITRUVIO” de Leonardo Da Vinci.

“CAMPO DE TULIPANES EN HOLANDA” de Claude Monet.

“MADRE E HIJA DELANTE DEL SOL” de Joan Miró. 

“LA GALLINITA CIEGA” de Francisco de Goya y Lucientes.

"PERSISTENCIA DE LA MEMORIA” de Salvador Dalí.

“MUJER EN UNA VENTANA” de Salvador Dalí.

 “LAS MENINAS” de Pablo Ruiz Picasso.

“EL GRAN CANAL DESDE EL PALACIO BALBI” de Canaletto.

 “LA CONVERSACIÓN” de Henri Matisse.

“CUADRADOS CON CÍRCULOS CONCÉNTRICOS" de Vassili Kandinsky.

Ollade as obras con atención, xa que pronto, moi pronto, unha delas durante os vindeiros días convertirase no eixo motivador dunha viaxe a un país especial, moooi especial... estades preparados?

Un saúdo e non esquezades que... o noso blog se alimentará dos vosos comentarios!

NOIVA DO CAMPO PAPOULA...

Poco a pouco, despois das vacacións, imos collendo de novo o ritmo de traballo cotiá, e aínda que a algún de nós lle está custando máis da conta porque... “está cansado”, con entusiasmo comezamos xa o libro número 6 de Papelote, no que se nos presenta unha unidade didáctica cuxos contidos de traballo están vencellados coa primavera. 

Coas actividades que levaremos a cabo nesta unidade diáctica investigaremos para observar, descubrir e identificar algúns dos cambios que se producen no contorno e na vida das persoas coa chegada da primavera: saen as flores, as follas das árbores son de cor verde, xa non vimos ao cole tan abrigados como no inverno... 

Para comezar, o profe propúxonos un torbeliño de ideas no que tiñamos que dicir obxectos, elementos, situacións... relacionadas coa primavera: bolboreta, árbore, flores, sol, abella, herba, flores, paxaros, arco da vella, caracois e... flores, porque o que si temos clarísimo é que coa chegada da primavera os campos énchense de flores, moooitas flores. 

Non había tempo que perder, e despois do patio, aprendimos a facer flores de todas as cores e clases, unhas flores que, xunto a outros elementos que aportamos no torbeliño de ideas, quedaron plasmados nos debuxos da primavera que decoran un dos corchos da aula... unhas primaveras preciosas!

As flores convírtense para nós na proba máis evidente da chegada da primavera, por iso, outra das actividades que levamos a cabo foi a decoración dunha flor multicolor, que debíamos pintar ao xeitiño e sen saírnos do contorno de diferentes cores. Pero todavía quedaba o máis xenial, xa que na parte central, logo de picala co punzón, pegamos unha foto nosa... uns traballos cada vez máis de súper-maiores! 

Asemade, durante estas semanas, desenvolvimos na clase unhas dinámicas de psicomotricidade que nos serviron para traballar nocións musicais como o ritmo ou a frecuencia, e tamén nocións de expresión corporal. 

A rutina era básica, ao son do pandeiro, tiñámonos que mover pola aula adoptando os roles que se indicaban para cada caso: bolboretas, serpes, paxaros, canguros... 

Neste tipo de actividades, algo que se convirte nun auténtico reto para máis dun é seguir as normas establecidas para este tipo de dinámicas, xa que ás veces aproveitamos para facer un pouco o que nos dá a gana e non, iso non pode ser... está prohibido! 

Estas conversas dirixidas e actividades enriquecéronse se cabe todavía máis coa posterior lectura e interpretación da lámina mural desta unidade didáctica na que se podía ver unha paisaxe primaveral con moitos dos elementos que saíran no torbeliño de ideas. 

Sen lugar a dúbidas, faltan mil millóns de cousas por contarvos de todo o realizado durante estas semanas, pero as informacións estarán cargadas de maior riqueza se as contamos en persoa... non dubidedes en preguntarnos! 

Un saúdo e non esquezades que... o noso blog se alimentará dos vosos comentarios!

"ADORAD EN ESPÍRITU Y VERDAD"

Tuvimos la suerte de en tus venas caer;
Sentimos en nuestro pulso todo tu tirón.
Ha quedado absorto nuestro corazón,
Comentándolo con el Rosicler.

A pesar de todo los que nos diste a ver,
TÚ eres en todo la última razón.
Son tus pisadas el único son:
Nos captan, nos llegan a entumecer.

Mar zafiro, coral de infinitud;
Cielo en el que nos perdemos sin perderte.
La cáscara te besa y te repasa.

¿Qué diría del misterio de tu CRUZ?
¿Qué de tu barca de tu AMOR y MUERTE?
Pasa entre estas callejas, Jesús, ¡pasa!

D. Luis Romay G. Arias.

Que a Virxe María, “Raíña e Nai garimosa, vida, dozura e esperanza nosa”, como cantamos na Salve, e a quen acompañamos no camiño da súa dor este venres Santo, nos axude a vivir este día con piedade sincera, con coherencia cristiá e con auténtico espírito de penitencia e caridade.

"SAL, SOL SOL SOLITO..."

E por fin, por fin chegaron as tan merecidísimas vacacións de Semana Santa, pero para pechar este trimestre de traballo e superacións cotiás como se merece, estes derradeiros días adicámonos a coller un pouquiño máis de seguridade no desenvolvemento da nosa expresión plástica, convertíndonos en pequenos-grandes artistas…
O certo é que apenas queda nada daqueles garabatos e trazos sin sentido que realizabamos durante o primeiro trimestre cando o profe nos daba un folio en branco e nos pedía que debuxaramos o que quixeramos.
Un folio en branco?... Uf, que medo! E que eu non sei debuxar!!
Afortunadamente, estes temores iniciais cara a expresión plástica, pouco a pouco van desaparecendo, e os garabatos descontrolados e trazos sin sentido do primeiro trimestre están dando paso ás nosas primeiras producións elaboradas. Siii, xa o sabemos, ás veces o resultado non semella en absoluto o que queremos expresar, pero cunha tonelada e media de imaxinación, os maiores poderedes contemplar esa nave espacial, ese helicóptero ou ese lobo que nos debuxamos, así que paciencia…
Así pois, quen máis e quen menos xa é capaz de lograr un esbozo completo e cada vez máis coidado do esquema corporal: cabeza con ollos, nariz, boca, orellas e pelo, tamén o pescozo, tronco e extremidades; e todo isto empregando para cada elemento unha cor diferente, uns resultados sensacionais!
Ademais, estamos comezando a completar os nosos debuxos con outros elementos que contribúen a dar unha visión de conxunto estupenda das nosas producións plásticas: soles, nubes, arcos da vella, herba, flores… non lles falta detalle!
Así, esta semana, e tendo en conta o tempo tan soleado que estamos tendo durante estes días, coñecimos, dramatizamos e mimamos unha nova canción vencellada co Sol, realizando unha actividade impresa na que aparecía o estribillo da devandita canción e na que tiñamos que debuxar soles. Hai soles para todos os gustos: amarelos, laranxas, con raios vermellos, de punta… pero soles, ao fin e ao cabo… sensacionais!

Por outra banda, un día no que o profe reservou un anaco da xornada para o debuxo libre, un dos nosos compañeiros máis enxeñosos, fixo un debuxo diferente, un debuxo no que se vía claramente o que debuxara… nada máis e nada menos que debuxara a súa casa!
Esta situación, propiciou unha conversa espontánea na que descubrimos que algúns vivimos en casas, que outros vivimos en pisos e que outros vivimos en casas e, “ás veces, en pisos”.
Así, e dada a expectación suscitada polo súper-debuxo do noso compañeiro, outro día, o profe pideunos que debuxaramos onde vivimos. Os resultados revelaron que, si ben é certo, aínda non temos moi clara a diferencia entre casa e piso -algo normal da nosa idade-, en cambio os debuxos, os debuxos…, bueno, mellor xulgade vos mesmos…

E agora?... Pois a disfrutar destes días de vacacións que ben merecidas as temos…
Un saúdo e non esquezades que... o noso blog se alimentará dos vosos comentarios!

"PABLITO TENÍA UN LIBRITO..."

Como pasa o tempo… so faltan 5 días para rematar o 2º trimestre, son días de consolidación e afianzamento de habilidades, destrezas, técnicas e capacidades desenvoltas durante este trimestre de traballo, moooito traballo. Un traballo sempre mesturado con actividade lúdica, como foi esta semana a visita de dous dos actores da compañía de teatro "Airiños" que nos realizaron unha breve representación teatral, ou a conmemoración do Día Internacional da Poesía o mércores 21... non paramos!
Progresivamente, imos mellorando no que a hábitos de comportamento se refire, e aínda que nos falta un pouquiño, cada día estamos máis tranquilos e adaptamos o noso comportamento a cada momento da xornada escolar,… é que hai tempo para todo: para falar, para traballar, para correr, para bailar… pero cada cousa ao seu tempo.
O certo é que este trimestre, froito do noso traballo cotiá, os avances no ámbito da lecto-escritura son evidentes.
Así, no 1º trimestre traballamos de xeito sistemático as 5 vogais: compuxemos palabras que empezaran por cada unha, buscamos cada vogal no nome propio e no dos compañeiros, nos días da semana, en textos e palabras significativas do centro de interese que estabamos a traballar… ata nos convertemos en letras bailando e cantando unha das nosas cancións preferidas!
Xa neste 2º trimestre, seguimos consolidando as vogais, si, na súa identificación non temos problemas, pero no seu correcto trazado a cousa é ben diferente… É que andamos ás carreiras e sempre temos moita présa, e as letras hainas que facer amodiño, ao xeitiño.
Asemade, coñecimos 5 novas consoantes -as máis faciliñas-, e para que non nos resultase moi complicada a súa identificación, asociamos cada unha co nome propio dun compañeiro ou compañeira de clase. Así temos o “M” de MENCÍA, o “P” de PAPELOTE, o “L” de LOIS, LUIS, LEO e LUCÍA, o “S” de SERGIO e o “T” de TANIA. Nembargantes, axiña descubrimos no noso nome que moitos de nós tamén temos algunha destas letras… mega-divertidísimo!
Sabedes que somos nós os encargados de repartir os libros de traballo de Papelote e as actividades impresas que realizamos cada día?... Pois si, e non vexades os problemas que hai cada mañá por ser o encargado de repartir o traballo cotiá.
Esta semana, o profe trouxo preparadas as iniciais dos nosos nomes, pero non se trataba dunhas letras calquera, nin moito menos, tratábase dunhas letras especiais, diferentes… as letras tiñan as nosas caras!
Cada día, na asemblea matinal, repasamos cada lámina, coñecendo desta maneira novas letras…

E para que?... Pois para ir formando e escribindo as nosas primeiras palabras cando somos súper-encargados, tales como “MAMÁ”, “PAPÁ”, “OSO”…, palabras que se unirán ás nosas primeiras frases para o vindeiro curso, e frases que descubriremos que viven nos nosos contos favoritos, pero iso o deixamos para cando teñamos 5 anos. Estamos comezando un longo e laborioso camiño, así que paciencia, moooita paciencia.
Repasar seguindo a direccionalidade correcta a letra pola que comeza o noso nome está chupado, por iso, esta semana, o profe pidéunos que repasaramos outras letras, para deste xeito familiarizarnos co seu trazo, e asociando a grafía do nome a cada neno e nena.

Pero sen lugar a dúbidas, o “Libro dos Nomes”, foi toda unha sensación. Había dous xogos de letras inicias, pero… iguais?... Nooon, parecidas, xa que nunhas láminas aparecía o nome de cada un de nós, e noutra non, logo… onde estarían os nosos nomes?...

A dinámica consistía en ir pegando as tarxetas de cada nome na súa lámina correspondente. Para iso, debiamos fixarnos na inicial do nome e na fotografía. Queríamos xogar unha e outra “partida”, foi xenial!



















Agora, unha vez entendida a finalidade das láminas nas que non aparecían os nosos nomes, estas adoptarán formato libro pasando a formar parte do recanto da biblioteca, para que disfrutemos tantas veces como desexemos con este libro que nos axudará a soltarnos para o vindeiro trimestre a escribir o nome dos nosos amiguiños e amiguiñas… podédelo crer?

Xa na derradeira semana de trimestre, aproveitaremos para pechar aquelas actividades que temos pendentes. Agardamos que o xoves, cando por fin levemos os nosos traballiños trimestrais para as nosas casas, quededes: sen-pa-la-bras.
Un saúdo e non esquezades que... o noso blog se alimentará dos vosos comentarios!

EXTRAAA, EXTRAAA!!!...

Sabedes que esta semana foi a Semana da Prensa?... Pois si, e no noso cole esta actividade conmemorativa recollida no calendario escolar non pasou desapercibida e organizáronse distintas actividades nas que descubrimos aspectos vencellados con este medio de comunicación social.
Así pois, para a próxima semana, no cole publicarase un número do xornal “Voces Rianxeiras”… non, tranquilos, “Ondiñas veñen”, a revista que cada curso elaboramos entre todos os nenos e nenas do cole non desapareceu, nin moito menos, pero este curso decidiuse rescatar o xornal do cole que, tras anos sen publicarse, para a vindeira semana sairá unha nova edición. Tendo en conta todas as clases do cole, decidiuse organizar o traballo por seccións: deportes, cultura, sociedade, pasatempos… No noso caso tocounos a sección do tempo, unha sección na que quen máis e quen menos xa é un pequeno-gran experto, pois cada mañá, dentro das rutinas da asemblea que leva a cabo o súper-encargado, está a constatación do tempo atmosférico na que debe decidir o casco que lle pon ao coelliño espacial atendendo ao pictograma correspondente de sol, sol con nubes, nubes ou choiva, segundo o día que vaia.

Xunto cos nosos compañeiros e compañeiras de 3 anos A, convertímonos en nenos e nenas do tempo, así que estade moi atentos…

Asemade, o xoves achegámonos un pouquiño ao traballo das persoas que cada día elaboran os xornais e fan posible que dende primeiriña hora da mañá os maiores poidan coñecer as novas do día a día, e todo isto da man dunha anfitriona insuperable… unha xornalista!
Previamente, na asemblea conversamos acerca do traballo dos xornalistas, xa que non estabamos moi postos co tema, nembargantes, entre todos e todas chegamos a interesantes conclusións acerca desta profesión.
Xa na biblioteca, a xornalista convidada polo centro explicounos algunhas das seccións dun xornal, tamén onde escriben as novas, como fan para que os xornais estén na rúa a primeira hora da mañá…

Ademais disto, como xornalista que é, tamén nos fixo a nós preguntas acerca das novas que máis nos impactaron ou chamaron á atención. Sen lugar a dúbidas, as novas que tratan o tema dos dinosaurios e dos volcáns son as que máis nos interesan. Si, de maiores queremos ser xornalistas! Pero… canto hai que ler, non?

Agora, a vindeira semana, despexaremos unha dúbida, xa que… cal é a nova rutina que a partir do luns incorporaremos á asemblea matinal? Seguide moi atentos ao noso blog que axiña vos daremos boa conta dela…
Un saúdo e non esquezades que... o noso blog se alimentará dos vosos comentarios!