Bienvenido

DENDE ORIENTE... UN E-MAIL!

viernes, 14 de enero de 2011

Sen lugar a dúbidas este ano fomos máis bos ca nunca a xulgar por todos os agasallos que nos deixaron Papá Noel e os Reis Magos na casa e na escola. Siiiiii, porque un curso máis, as Súas Maxestades, os Reis Magos de Oriente, lembráronse de 5 anos B o día da “Gran Calbata Real” polas rúas da nosa vila e deixáronnos cadanseu agasallo. Comezaremos polo principio...
Xa vos contaramos que, antes das vacacións de Nadal, entre todos e todas decidiramos que lles iamos pedir aos Reis Magos.
Pois ben, este luns, comezamos o cole con máis ganas de aprender ca nunca e, coma se dunha mañá máis se tratase, iniciamos todos os rituais que, día a día levamos a cabo: rutinas de entrada -aprendendo unha nova estrofa da canción de “Buenos Días”-, elección do encargado, actividades de lóxica-matemática e lecto-escritura -agora con textos escritos unicamente en letra minúscula, que súper-maiores somos!-...
Evidentemente, despois de tanto tempo sen vernos, tiñamos mil millóns de cousas que contar, pero claro, como podedes imaxinar, a conversa centrouse casi exclusivamente nos agasallos que nos trouxeron Papá Noel e os Reis Magos. Non fomos bos, non, fomos, re-que-te-bos, e viñeron máis cargados de agasallos ca nunca: bicicletas, bonecas, coches de carreiras, maquillaxes, puzzles e unha lista interminable dos xoguetes máis ultra-modernos do mercado.
En tanto, un dos nosos compañeiros ao que non se lle escapa nada, ou case nada, cunha mirada pícara, díxolle ao profe en voz baixiña: “profe, he visto unos regalos en el rincón de la cocinita...”, pero o profe nada, coma se falase en xaponés!
Foi entón cando o profe nos contou que o ordenador estaba encendido cando chegou á clase e que na pantalla había un e-mail que poñía: “Para 5 años B”. Pero..., un e-mail?, que é un e-mail?... O profe explicounos que é unha carta, pero que no canto de escribila en papel escríbese no ordenador e, no canto de enviarse nun sobre e cun selo precisamos ter conexión a Internet.
Así, un dos nosos compañeiros, comezou a ler o e-mail escrito en letra minúscula, e non estaba enlazada, senón que era letra de imprenta... día a día imos superándonos, fantástico!

No e-mail, as Súas Maxestades, os Reis Magos de Oriente explicábannos varias cousas tales como que ao longo de todo o ano agóchanse nunha das nubes que se ven dende unha das fiestras da clase, que nos temos que portar requete-ben tanto na casa coma no colexio, déronnos as grazas por todas as galletas, trociños de turrón e vasiños de leite que lles deixamos na Noite de Reis... ademais tamén, nos preguntaban se nos gustaran os agasallos que nos deixaran na casa e no cole. No cole?, pero se non había agasallo por ningures!...
Neste momento, comezamos a buscar os agasallos que nos deixaran agochados os Reis Magos. Desta vez, resultou máis doado atopalos que cando Papá Noel, o día do “Festival de Nadal”, nos deixara o seu, e en cuestións de segundos, todos e todas moi ansiosos, concentrámonos no rincón da cocinita e, tras as cortinas, había 3 montóns con cadansúa tarxeta: Rei Melchor, Rei Gaspar e Rei Baltasar.





























Coma o curso pasado, o profe dividiunos en 3 grupos para que cada un de nós tivese a oportunidade de abrir un agasallo, e ao sinal de: “preparados, listos, xa!” un tras un fomos abrindo cada agasallo. En primeiro lugar o agasallo do Rei Melchor -oooooh, encántanos!-,

logo o do Rei Gaspar -siiiii, un para David Manuel e outro para Rosana!-

e, por último o que nos deixou o Rei Baltasar -desta vez o profe tivo máis sorte que o curso pasado e trouxéronlle o que lles pediu, siiiiiii!-.

Agora, toca seguir portándose ben e traballando como nós sabemos para que o profe se siga sentindo así de orgulloso: aprendendo, traballando e facéndonos cada día un pouquiño máis súper-maiores...
Ssssch, un segredo!... Díxonos un paxariño que, para o vindeiro curso, unha persoa votaranos de menos "hasta el infinito y más allaaaaaá", pero,... de quen se tratará?…
Un saúdo e non esquezades que... os Reis Magos existen!, existen no corazón de cada un dos que cren neles!!!

3 comentarios:

Profe J.Ricardo dijo...

No olvidéis que los Reyes Magos EXISTEN; existen en el corazón de cada uno de los que creen en ellos...

Anónimo dijo...

Después de estas largas vacaciones, a muchos niños les cuesta horrores volver a la rutina de cada día. Pero viendo las imágenes, no cabe duda que su primer día de cole ha estado repleto de sorpresas. Gracias por mantener en ellos la ilusión y la fe en esa magia navideña.

Anónimo dijo...

Qué pasada! pués sí que debieron portarse bien estos niños, en casa un montón de regalos y en cole más ricos que nunca, hasta una colección de libros en minúsculas y de cuentos de Disney, nada menos!!!

Pués claro que existen aunque a veces se despistan un poco...