Bienvenido

TRUCO OU TRATO?...

viernes, 31 de octubre de 2014

Esta semana vivimos o noso primeiro Halloween-Samaín no cole dos maiores, foi unha semana monstruosa chea de cabazas, morcegos e meeedo, moitas moitas historias de medo... acompañádesnos?...
Que mellor xeito que introducirnos nesta celebración que a partir da lectura de varios contos: o de A pantasma HU -que nos contou Carmen, a profe de P.E.L.O.- e El cumpleaños de Enrique (Edit. Edelvives) -que nos contou o profe-.
En ambos contos, os seus protagonistas son dúas pantasmas un chisquiño peculiares, pois ademais de non gustarlles iso de asustar á xente, eran as pantasmas máis medoñentas que endexamais se coñeceron nas historias fantasmagóricas de todos os tempos... incrible!

El cumpleaños de Enrique (Edit. Edelvives)
A lectura e traballo destes contos, supuxeron momentos de fantasía inigualables, diversificados coa recreación plástica, xunto cos nosos amiguiños e amiguiñas de 3 ANOS A da profe Silvia, de todos os convidados que asistiran ao aniversario de Enrique para celebrar os seus 400 anos... case nada!
Para esta actividade, de maneira individualizada, debuxamos con rotulador de cor negra nun filtro de café de cor branca, cadansúa pantasma: ollos máis grandes ou máis pequerrechos, bocas abertas ou pechadas, con dentes afiados ou con linguas monstruosas... unha festa “divina de la muerte”, non si?...



Asemade, e unha vez que xa leramos unhas cantas veces as historias da pantasma U e da pantasma Enrique, participamos nunha das asembleas matinais no noso primeiro torbeliño de ideas no que tiñamos que sinalar elementos representativos do Halloween-Samaín: cabazas, pantasmas, bruxas, morcegos… e moitíiisimas cousas máis.
Por outra banda, e por se todo isto fose pouco, o centro pediu a colaboración das nosas familias para a elaboración das cabazas. Había cabazas para todos os gustos: dende bruxas, vampiros e esqueletes, ata personaxes dos nosos debuxos animados favoritos… mil millóns de grazas, familias!
Unha vez comentadas polos donos e donas de cada cabaza o seu proceso de elaboración, quen lles axudou, que materiais empregaron..., colocamos as cabazas nas fiestras do cole, e no serán do mércores, os profes acenderon as candeas... abofé que semellaba unha escola encantada coma o castelo no que vivía Enrique!



Xa o xoves, pechamos esta semana participando nas distintas actividades organizadas polos equipos do centro.
Así pois, tras a asemblea matinal, os nosos compañeiros e compañeiras de 3 ANOS A acudiron un chisco á nosa clase para escoitar as historias de medo que nos contaron os nenos de 1ºA e de 4ºA... que atentos estivemos!
Destacable o fermoso detalle dos ex-súper-maiores do profe que ilusionados lle propuxeron á profe Thais, contarnos o conto de elaboración propia titulado: Samaín en Exipto. Deste xeito, unha sensacional DANIELA, mergullounos nun conto no que nos trasladamos ao Antigo Exipto... case nada!... Parabéns súper-maiores, sempre seredes os mellores para o profe!


Posteriormente, xa no momento da merenda, e antes de saír ao patio, degustamos un orixinal biscoito con forma de cabaza que trouxo XIMENA feito pola súa nai Carmen e por ela mesma... que orgullosa contaba que ela lle botara o iogur!... mmm, delicioso!


Finalmente, á volta do patio, puxemos o colofón final a esta semana, e coa axuda da teacher Karina,  puxemos o disfrace elaborado para a ocasión. Nin de Batman, nin de Superman, nin de Tortuga Ninja... iamos de demos! Con capa e cornos de cor vermella, bailamos co resto de nenos e nenas do cole a canción de Paco Nogueira “No Samaín”...














Truco ou Trato?... Siii, por suposto, o profe tíñanos unha sorpresa e agasallounos co noso primeiro truco ou trato en forma dunhas saborosas piruletas de fresa agochadas nun simpático demo... estupendo!...


Agora xa, toca ir pensando no que celebraremos no magosto que moi pronto tamén viviremos no cole, así que... a matinar!
Un saúdo e non esquezades que... o noso blogue se alimentará dos vosos comentarios!

3 comentarios:

Anónimo dijo...

As actividades do samaín resultaron ser moi entretidas. Oimos falar bastante da pantasma Hu e divertímonos facendo e decorando as cabazas en familia.

E que medoooo!!!!
Tantos demos xuntos!!!!

Seguide disfrutando do voso primeiro ano de cole, peques, e de todas as novedades que vos esperan.

Anónimo dijo...

Menudo inxenio!!!
Os pais, nais e avos quedamos parvos co que fixéchedes cun anaco de plástico e cartulina. Que guapísimos estaban!! Parece mentira....
Pola nosa parte, vestilos de negro e encherlles o pelo de laca e saliren así das casas, resultou moi gratificante e divertido, e pudemos compartir 1000 risas cos nosos pequenos maiores.
Debo decir que sempre critiquei a moda de incorporar as costumes americanas aquí, sen embargo, e para sorpresa miña, encontrei moi divertido visitar o colexio e intrigante ver como os nosos peques buscaban as suas cabazas todos emocionados para nolas ensinaren os pais todos nerviosos, e contarnos de quenes eran as outras....
Compartimos moitas risas eses días.
Os meus sinceros parabens!!
Seguro que igual de ben sae o Magosto.
Ánimo!!!

Anónimo dijo...

Maravillosos os disfraces de Halloween!!