Bienvenido

"ESPEJITO ESPEJITO MÁGICO"

viernes, 14 de junio de 2013

A piques de que remate o curso e de comezar as tan merecidas e necesarias vacacións para máis dun, esta semana seguimos pechando actividades traballando na nosa aportación á revista do cole: “Ondiñas veñen”.
Como sabedes, as seccións e temáticas que integran a nosa revista escolar son para todos os gustos e públicos, dende traballos sobre as distintas celebracións que teñen lugar no cole tales como o samaín, o magosto ou o nadal, ata entrevistas, pasatempos e mesmo contos protagonizados por seres fantásticos e marabillosos.
Este curso, decidimos partir dunha das rutinas e tarefas cotiás que desenvolve o súper-encargado cada día: a elección do accesorio para o mandilón do profe. Máis concretamente, partimos da pegatina de Blancanieves á que asignamos un rito a modo de interrogación retórica… “Espejito, espejito mágico,… ¿quién es la más bella del cole?”...
Aquí, todos e todas respondemos co nome da súper-encargada. Si, si… súper-encargada, porque alomenos de momento son contados os nenos que se atreven a elexir esta pegatina… é de chicas!
A partir deste rito cotiá e do conto de “Blancanieves y los 7 enanitos” dos irmáns Grimm -conto que inexplicablemente moitos de nós descoñeciamos-, presentamos para a revista do cole un divertido xogo cun espelliño máxico co que teredes que deixar voar a vosa imaxinación…

- BLANCANIEVES Y LOS SIETE ENANITOS -
Na actividade, presentamos 6 fotografías dunhas nenas e dun neno de sobra coñecidos por todos e todas.
Nembargantes, e para axudarvos a resolver a identidade misteriosa que se agocha en cada fotografía, decidimos acompañar o traballo dun debuxo e dunha rima sinxela en forma de adiviña na que resaltamos algunhas cualidades dos enigmáticos personaxes de cada imaxe.
A nós custounos un chisquiño, pero logo de que o profe nos dese algunha que outra pista, está claro… trátase nada máis e nada menos que… da profe Divina, Karina, Belén, Marta, Gemma e J.Ricardo… os nosos profes!
Entusiasmados coa actividade fixemos unha morea de debuxos de cada profe aos que non lles faltaron detalle… fantásticos!
Xa logo, reunidos na asemblea escollimos os que máis graza nos fixeron, aqueles que máis nos chamaron a atención, deixando os restantes para unha composición de grupo-clase coa que decidimos decorar o noso corcho do corredor.












 












Por outra banda, o momento da composición das adiviñas supuxo un encontro sempre gozoso co mundo da creación literaria e coa lecto-escritura. Así, coa axuda do profe, creamos unhas adiviñas ben doadas que agardamos vos axuden a descubrir de que profe se trata en cada espelliño máxico.
Porque todos algún día fostes nenos e nenas, nunca deberiades de deixar de ver as cousas do voso día a día cos ollos da imaxinación e da fantasía…Seredes quen de resolver os 6 enigmas que se agochan en cada espelliño máxico?…


Agora, acompañádenos na conta atrás para poñer o punto e final a este curso 2012-2013. Será unha conta atrás cargadiña cargadiña de diversión, nervios, actividades e sorpresas, moooitas sorpresas…
E para o vindeiro curso?... Buf, a nosa despedida do mandilón… como pasa o tempo, xa seremos os súper-maiores de mandilón!...
Un saúdo e non esquezades que… o noso blog se alimentará dos vosos comentarios!

8 comentarios:

rebeca dijo...

Uff como cambiáchedes !!!!!

ben, aproveitamos para desexarvos a todos e todas unhas boas vacacións de verán que as merecemos (a ver se o tempo nos deixa gozar un pouco da praia)

E vémonos en setembro para ser os super maiores de mandilón. Ah sen esquecernos de pasar un ratiño polo blogue a ver se hai algunha nova.

Familia Riveiro-Suárez

ah ricardo, podes pasarnos a listaxe do material coma o ano pasado para ir facéndonos con ela????

Profe J.Ricardo dijo...

Polo momento non vos preocupedes pola lista de materiais para o vindeiro curso. En setembro, o mesmo día da presentación, entregareilla aos nenos e nenas.

Anónimo dijo...

Felices vacaciones profe ricardo de parte de nerea e a todas familias

Profe J.Ricardo dijo...

Moitas grazas NEREA. Agardo que ti tamén disfrutes destas merecidas vacacións coa túa familia e que pases un fantástico verán.
Vémonos en setembro!...

Anónimo dijo...

enton, para o vindeiro curso o mandilon non é necesario?
eu tamen vos desexo unhas Felices vacacions!!

Profe J.Ricardo dijo...

Para o vindeiro curso seremos os súper-maiores de mandilón e teremos que dar exemplo aos pequerrechos e pequerrechas que comezan o cole en setembro. Para nós tamén será un curso especial, diferente…, xa que lle diremos “ata sempre” ao mandilón, á clase…

Agora… toca descansar, pero seguide moi atentos ás novas do noso blogue que agardamos moi pronto poder contarvos, entre outras cousas, como foi a nosa derradeira semana de curso…

Anónimo dijo...

Felices vacaciones q dia comienzan las clases

Profe J.Ricardo dijo...

Las clases comenzarán el 11 de Septiembre.