Bienvenido

SEMBRANDO AMIZADES...

viernes, 25 de febrero de 2011

Esta semana foron dúas as actividades que marcaron o ritmo da nosa aula: unha saída didáctica ao contorno de Rianxo e a actividade “Sembrando Amizades”.
Comezando pola primeira, o mércores acudimos a visitar a “Aula Activa do Mar Santiago Gallego Picard” de Rianxo.
Trátase dun centro de interpretación con exposicións de paneis, maquetas e reproducións sobre o patrimonio natural e etnográfico relacionado con mundo do mar da nosa vila.
Asemade, conta con distintos recursos expositivos adicados ao cultivo do mexillón, ás embarcacións de pesca, á contaminación mariña...
Nesta visita todos e todas coñecimos algúns dos instrumentos cos que os nosos antepasados realizaban as tarefas propias da pesca e do marisqueo, así como tamén as artes empregadas no seu quefacer cotiá. O que máis nos gustou, sen lugar a dúbidas, a inmensa boca de balea que vimos nunha sala que semellaba unha inmensa batea... foi algo impresionante!
O tema do mar, en xeral, é algo que nos apasiona, e boa proba diso foi o nivel de atención e expectación suscitado na visita, pois a pesar de que varios xa fóramos en anteriores ocasións coa nosa familia, non é o mesmo acudir cos compañeiros e compañeiras do cole, xa que hoxe fixemos unha ficha e escoitamos o conto de “Martiño e o mar” (Edit. Paidea).


Quen máis e quen menos coñecía os instrumentos que o guía nos ía explicando: de que material estaban elaborados, para que servían, como se empregaban... e é que varios dos nosos compañeiros comentaron que algunha vez vai pescar co seu pai ao peirao, a pesar de que iso de agardar tanto tempo para que un peixe pique o anzó non sexa o del.
Esta visita xorde nun trimestre no que a nivel de centro estase a traballar o mar como eixo motivador a partir do cal se vertebran distintas actividades: sesións de contacontos por parte dos nenos e nenas de Educación Primaria como a de “O pirata Metepata” (Baia Edicións) á que asistimos o pasado mércores, os corredores estanse convertendo nun mar cargado de peixes, polbos, augamares, barcos..., serve ademais como centro de inspiración para o desfile de antroido deste curso...


Por outra banda, e como o prometido é débeda, outra das actividades que centrou o noso traballo estas dúas últimas semanas foi a activdade “Sembrando Amizades”.
Trátase dunha actividade que promete sembrar amizades con nenos e nenas que teñen a nosa idade e que, este curso están participando de forma conxunta no proxecto de investigación: “Esculpindo emocións!”.
A actividade consistía en enviarlles unha carta comentándolles as nosas impresións acerca das actividades desenvoltas ata agora... bufff, non nos poñiamos dacordo; queriamos contarlles tantas tantas cousas!!!
Asemade, acordamos enviarlles algo máis, pero tampouco nos poñiamos dacordo, así, mentres que uns querían enviarlle un tatu, outros querían enviarlle un debuxo, purpurina ou gomets.
Finalmente decidimos enviarlles unha foto co mural que elaboramos en gran-grupo para celebrar o “Día de San Valentín” para que viran todo o que traballaramos. Nesta foto, por suposto, non podía faltar Pepa, unha Pepa que dende o “Día dos Namorados” ten un corazón vermello na súa camiseta… estará namorada? Ai Pepa, Pepiña…
Tamén decidimos facerlles un debuxo, pero un debuxo no que debiamos sair máis guapos que nunca. Así, os lazos na cabeza, as “pestañas de princesa”, a nosa roupa preferida… todo servía para quedar requete-guapos.

Hoxe, cando entramos á aula e nos sentamos para comezar co ritual da asemblea matinal, axiña nos decatamos de que Pepa tiña un sobre no que puidemos ler, entre outros datos, o nome do profe, pero… de quen viría aquela carta?, dos Reis Magos de novo?... Pois non, desta vez non...

Así que para despexar a incógnita unha das nosas compañeiras axiña desvelou o segredo lendo a carta descubrindo que viña dos nosos compañeiros e compañeiras de proxecto.

Na carta contaban que nos enviaban un sobre con sementes para que a nosa aula quedara tan bonita como a deles, xa que nós tamén lles enviamos este mesmo agasallo.
Tamén nos enviaron un collage moi orixinal. Nel pódense ver unhas flores moi especiais, xa que cada unha destas correspóndese con cada neno e nena. Ademais aparecen outros elementos como paxaros, cometas, nubes, arcos da vella e… avións ou helicópteros? Desto último non estamos moi seguros.
Mil millóns de grazas, agardamos que a nosa carta tamén vos gustara!

Un saúdo e non esquezades que... o noso blog se alimentará dos vosos comentarios!

4 comentarios:

Profe J.Ricardo dijo...

"A que saben os bicos...?"
Una actividad que gracias a vuestra ayuda, a la ayuda de las FAMILIAS, se ha convertido en algo sensacional.
¡¡¡Mil millones de gracias!!!

ALICIA dijo...

jajaja, si que eran helicópteros, aínda que tamén debuxaron algúns intentos de avións...
A vosa carta gustoulles moito os nenos, seica estabades moi guapos nos debuxos.
Hoxe pola tarde ensineilles as fotos do blog e quedaron moi contentos ó ver que vos gustara o noso collage e tamén ó ver a decoración tan bonita que lle fixechedes.
Agora so queda esperar a que florezan as sementes... e esperamos que nos mandedes fotos do progreso das vosas
Sen mais, despídome
Alicia

Anónimo dijo...

Bueno,bueno profe, estas últimas entradas son superbonitas!!!!a pesar de que tendremos que asumir que nuestros peques entran en otra etapa de su vida;con otras ilusiones, otras metas, otras curiosidades, con "amig@s especiales",otras frustaciones,en definitiva, OTRA ETAPA, pese lo que nos pese...

En cuanto a la visita al Aula Activa do Mar, parecían fascinados..pensamos que se trata de un recurso, sin duda, fundamental en la vida e historia del pueblo.

Y con respecto a la actividad "Sembrando amizades", nos gustaría aportar la idea de que les faciliteis un encuentro y, finalmente puedan conocerse en persona ¿que te parece profe?...

Anónimo dijo...

Gracias a ti José Ricardo, nós so damos o que recibimos o longo destes tres cursos.