Bienvenido

CON "Z" DE...

viernes, 4 de febrero de 2011

Convencidos de que un lector non nace, faise, esta semana seguimos avanzando no noso proceso de lecto-escritura en letra minúscula lembrando a historia dun dos habitantes do País das Letras: a señora Z.
A señora Z representa os bos modais, a orde e o respecto, o coidado dos animais e plantas, a sanción, a actiude de cooperación social.
Este habitante do "País das Letras", é a encargada de acompañar aos príncipes cando van de paseo. A ela gústalle que os nenos fagan as cousas ao seu tempo: xogar á hora de xogar, xantar á hora de xantar, traballar á hora de traballar e durmir á hora de durmir. Nunha ocasión, volveu moi anoxada porque o príncipe E subiu a unha árbore á hora de descansar, rompeu os pantalóns novos e case cae cando partiu a póla onde puxera o pé. A señora Z deu un berro, rifoulle ao príncipe e logo contóullo aos seus pais, así que o príncipe tivo que prometer que nunca máis se portaría mal.
Outro día, que ían de paseo, o príncipe E e a princesiña I adiantáronse e escondéronse nun campo cheo de flores altas que os tapaban. Como a señora Z non os vía, creu que se perderan e asustouse moitísimo. Cando por fin saíron, viron que pisaran as flores. Pero tamén esta vez os perdoou.
A travesura máis grande fixérona o día que os levou ao circo. Sentaron moi formais nas cadeiras, pero como a función tardaba en empezar comezaron a aburrirse, e non paraban de moverse na cadeira, erguerse, sentar de novo.
De súpeto, aproveitando un despiste da señora Z, escaparon cara unha parte do circo onde había unha caixa grande. Abrírona e colleron o que lles pareceu unha corda, pero era... unha serpe durmida!
Logo as súas trasnadas continuaron durante as actuación do circo. Tiráronlle do rabo ao can, picaron cun pau ao león na súa gaiola e o peor foi cando viron aos elefantes na pista.
Como se enfadou a señora Z ese día! Colleu a cada un pola man e retornou ao castelo a contarlle o sucedido ao rei U e á raíña A.
- “Señores, aquí tedes a esta parella revoltosa e desobediente. Podedes mandarme o que queirades menos que volva saír co príncipe E e coa princesiña I. Xamais señor!..”
Dende entón, a señora Z só acompaña ao rei U, á raíña A e á tranquila princesiña O.

Unha historia coa que seguimos a completar o noso castelo do “País das Letras” no que cada semana imos engadindo novos habitantes. E xa temos uns cantos!...
Este personaxe serviunos de base para seguir traballando algunha das actitudes, valores e, sobre todo, normas, abordadas a semana pasada co motivo da celebración do “Día da Paz”.
Xa levamos dous anos e medio xuntos e abofé que non pasaron en balde: acatamos normas, intentamos dar o mellor de nós casi en todo momento, adaptamos o noso comportamento aos distintos momentos que se suceden ao longo da xornada... e moitas cousas máis que nos convirten nuns súper-maiores.
A partir da lectura do conto da señora Z, xurdiron varias conversas guiadas que se convertiron nunha base excepcional para o traballo transversal de aspectos vencellados coa Educación Moral e Cívica.
A Educación Moral e Cívica supón educar na convivencia fomentando a solidaridade, a cooperación, a liberdade, a responsabilidade, o respecto e o rexeitamento a todo tipo de discriminación e intolerancia.
Así, decatámonos que cada vez estamos menos de “florero” unha proba irrefutable do cumprimento das normas establecidas na aula a principio de curso, como no momento da asemblea erguemos a man para falar, agardamos cada vez con máis paciencia a quenda, escoitamos con respecto e atención ao resto de compañeiros...
Tamén amosamos gusto polos espazos limpos e ordeados deixando todo recollido tras o desenvolvemento das actividades, axudamos a aqueles compañeiros nas cousas que máis lles custan que, cada vez son menos, ilusiónamos xuntos cada vez que culminamos de forma exitosa un reto...
E tras o “Día da Paz”, cambiamos de mes, e en febreiro chega o “Día de San Valentín”, así que preparados para namorarse porque comezamos a traballar un novo sentimento: o amor! Estades preparados?...
Un saúdo e non esquezades que... o noso blog se alimentará dos vosos comentarios!

2 comentarios:

Anónimo dijo...

Aunque no viene a colación, me gustaría dejar un comentario sobre los carnavales.Que, aunque todos sabemos que faltan tres semanas, mi sugerencia debe hacerse también con cierta antelación. Todos los años coincidimos la mayoría de padres del alumnado de infantil en la idea de que la elaboración de los disfraces de nuestros hijos es un engorro (comprar la tela, llevarlo a quien te lo confeccione..) para que al final el resultado sea poco homogéneo (telas del mismo color pero que suelen variar de tono y modelos que, si bien deberían ser iguales, terminan diferenciándose en multitud de detalles).
Por todo esto, pienso que nos resultaría más económico y al mismo tiempo más práctico el comprar los disfraces ya hechos.
Es una sugerencia que me gustaría hacer llegar al profesor y que, por favor, tenga en cuenta cuando se decidan los preparativos de estas fiestas.
Aprovecho para mandar un afectuoso saludo a José Ricardo y agradecerle en nombre de todos los padres y madres de "las fierecillas de 5 años B" la oportunidad que nos brinda de poder expresar nuestras opiniones a traves del blog.

Anónimo dijo...

Emocionantes historias las de las letras!!!!! Recordad que las letras son muy importantes puesto que, tal y como dicen los Lunis en una de sus canciones, "....sin letras no hay palabras...."!!!

Educación Moral y cívica,respeto, tolerancia, responsabilidad, cooperación,"Día de la Paz"....Gracias por ayudar a nuestros niños a ser mejores personas.

Y ahora a trabajar el AMOR...te queremos más que la luz de 7000 estrellas....