Bienvenido

O 10 DE SETEMBRO... COMEZAMOS!!!

miércoles, 1 de septiembre de 2010

Logo dunhas merecidas vacacións de verán voltaremos a vernos de novo o próximo venres 10 de setembro e, aínda que a moitos de nós, custaranos coller de novo os hábitos e o ritmo de traballo acadados ao longo do pasado curso, quen máis e quen menos seguro que está desexando atoparse de novo cos compañeiros e compañeiras, coñecer en que equipo de traballo estaremos e en que mesa nos sentaremos, á nosa nova mascota, participar nas “asembleas de maiores” tal e como nos prometeu o profe...
Este curso será moi importante para todos nós... bufffff, e é que xa somos os maiores de Educación Infantil, e como tales, deberemos dar exemplo aos máis pequenos, aos nenos e nenas de 3 anos que comezan esta etapa que para moitos de nós e para moitas das nosas familias está resultando sensacional.
Un curso máis, e a medida que avance o calendario, iranse sucedendo as distintas actividades e conmemoracións que marcan o curso e o ritmo da nosa aula: as cabazas do Samaín e as castañas do magosto, os ensaios e nervios do Festival de Nadal, as máscaras e disfraces do Antroido... e mil millóns de acontecementos que vos iremos contando no noso blog; un blog que con esta entrada da por inaugurado oficialmente o curso académico 2010-2011 o curso no que nos despediremos do mandilón...
Un saúdo e non esquezades que... o noso blog se alimentará dos vosos comentarios!

1 comentarios:

Profe J.Ricardo dijo...

Seguro que durante las vacaciones lo habéis pasado fenomenal seguid disfrutando del poquito tiempo que os queda, ya que el Viernes... ¡empezamos!